काठमाडौं । नागरिक उन्मुक्ति पार्टीका संरक्षक तथा टिकापुर घटनामा अदालतबाट दोषी ठहर भएका रेशम चौधरीको साजय माफिका लागि सरकारले राष्ट्रपति समक्ष सिफरिस गरेको छ ।
आइतबार बिहान बसेको मन्त्रिपरिषद् बैठकले चौधरीलाई माफिका लागि सिफारिस गर्ने निर्णय गरेको सरकारी प्रवक्ता तथा सञ्चार मन्त्री रेखा शर्माले जानकारी दिएकी छन् । चौधरी यतिबेला टिकापुरा घटनामा दोषी ठहर भइ आजिवन जेल सजाय भोगिरहेका छन् । जेठ १५ गते मनाइने गणतन्त्र दिवसको अवसरमा कैदी बन्दीको सजाय माफ दिने गरिएको छ ।
मन्त्रिपरिषदको सिफारिसमा राष्ट्रपतिबाट सजाय माफ हुने संवैधानिक व्यवस्था छ । धारा २७६ मा ‘राष्ट्रपतिले कुनै अदालत, न्यायिक वा अर्धन्यायिक निकाय वा प्रशासकीय पदाधिकारी वा निकायले गरेको सजायलाई कानुन बमोजिम माफी, मुल्तवी, परिवर्तन वा कम गर्न सक्नेछ’ भन्ने व्यवस्था छ ।
प्रतिक्रिया