काठमाडौं । नेपाल प्रिमियर लिग (एनपीएल) सिजन ३ का लागि पोखरा एभेन्जर्सले मार्की खेलाडी कुशल भुर्तेलसहित ७ खेलाडीलाई रिटेन गरेको छ।
आइतबार टोलीले आगामी सिजनका लागि आफ्नो मुख्य खेलाडी समूहलाई कायम राख्ने निर्णय सार्वजनिक गरेको हो। रिटेन गरिएका खेलाडीमा मार्की खेलाडी भुर्तेलसँगै राष्ट्रिय टोलीका स्पिनरद्वय विपिन खत्री र सागर ढकाल, तीव्र गतिका बलर आकाश चन्द, विकेटकिपर ब्याटर अर्जुन कुमाल, अलराउन्डर किरण ठगुन्ना तथा ब्याटर दिनेश खरेल रहेका छन्।
यता, टोलीले आगामी सिजनअघि स्क्वाडमा परिवर्तन गर्दै कृष्ण पौडेल, त्रित राज दास, अभिषेक तिवारी, सन्दीप खत्री क्षेत्री र रोहित चन्दलाई रिलिज गर्ने निर्णय गरेको जनाएको छ। पोखरा एभेन्जर्सले अनुभवी तथा प्रभावशाली खेलाडीलाई निरन्तरता दिँदै आगामी संस्करणमा बलियो टोली निर्माण गर्ने संकेत दिएको छ।
रिटेन र रिलिज सूची सार्वजनिक भएसँगै अब टोलीको ध्यान बाँकी खेलाडी छनोट र स्क्वाड सन्तुलनतर्फ केन्द्रित हुने देखिएको छ।
प्रतिक्रिया