काठमाडौं। फिफा विश्वकप २०२६ मा समूह ‘बी’ अन्तर्गत आइबार राति भएको खेलमा कतारले अन्तिम समयमा गोल गर्दै बलियो प्रतिद्वन्द्वी स्विट्जरल्यान्डसँग १–१ को बराबरी खेलेको छ।
यससँगै कतारले विश्वकप इतिहासमा पहिलो पटक अंक बटुल्न सफल भएको छ। इन्जुरी समयको चौथो मिनेटमा बुआलेम खोउखीले हेडमार्फत गोल गर्दै कतारलाई महत्त्वपूर्ण बराबरी दिलाए। खेलको १३औं मिनेटमा कतारका गोलरक्षक महमुद अबुनादाले ब्रिल एम्बोलोलाई फउल गरेपछि स्विट्जरल्यान्डले पेनाल्टीको अवसर पाएको थियो।
१७औं मिनेटमा एम्बोलोले पेनाल्टीलाई गोलमा परिणत गर्दै स्विट्जरल्यान्डलाई अग्रता दिलाएका थिए। चार वर्षअघि घरेलु मैदानमा आयोजना गरेको विश्वकपमा समूह चरणका सबै खेल हारेको कतारका लागि यो नतिजा विशेष महत्त्वको मानिएको छ।
यता, लगातार छैटौं विश्वकप खेलिरहेको स्विट्जरल्यान्ड भने सहज जित गुमाउँदा निराश बनेको छ।
प्रतिक्रिया