काठमाडौं । फिफा विश्वकप २०२६ अन्तर्गत समूह ‘सी’ को प्रतिस्पर्धामा ब्राजिल र मोरक्कोले अंक बाँडेका छन्।
आइतबार बिहान सम्पन्न रोमाञ्चक खेलमा दुवै टोलीले १–१ को बराबरी खेल्दै एक–एक अंक जोडेका हुन्। मोरक्कोले खेलको २१औँ मिनेटमा इस्माइल साइबारीको गोलमार्फत अग्रता बनाएको थियो। ब्राजिल दबाबमा परेका बेला स्टार फरवार्ड भिनिसियस जुनियरले ३२औँ मिनेटमा उत्कृष्ट गोल गर्दै टोलीलाई खेलमा फर्काए।
पहिलो हाफमा दुवै टोलीले एक–एक गोल गरे पनि दोस्रो हाफमा थप गोल निस्कन नसक्दा खेल बराबरीमा टुंगिएको हो।
यस नतिजासँगै विश्व फुटबलका दुई बलिया टोलीले आफ्नो पहिलो खेलबाट एक–एक अंक बटुलेका छन्।
प्रतिक्रिया