मुम्बई । आईसीसी टी–२० विश्वकप २०२६ अन्तर्गत समूह चरणको तेस्रो खेलमा नेपाल ले वेस्ट इन्डिज विरुद्ध टस हारेको छ ।
खेल वानखेडे स्टेडियम मा जारी छ। वेस्ट इन्डिजका कप्तान शाइ होप ले टस जितेर पहिले बलिङ रोजेका हुन्। आजको खेलका लागि नेपालले प्लेइङ–११ मा एक परिवर्तन गरेको छ। ललित राजवंशी को स्थानमा सोमपाल कामी टोलीमा समावेश भएका छन्। समूह चरणका सुरुवाती दुई खेल गुमाइसकेको नेपालका लागि आजको खेल अत्यन्त महत्वपूर्ण बनेको छ।
प्रतियोगितामा टिकिरहन नेपालले बाँकी खेल जित्नैपर्ने अवस्था छ। उता वेस्ट इन्डिज भने लगातार दुई जितसँगै सुपर–८ प्रवेश नजिक पुगेको छ। नेपालविरुद्धको खेल जितेमा वेस्ट इन्डिजले अर्को चरणको यात्रा पक्का गर्नेछ। यदि आज पराजित भए नेपाल एक खेल अगावै प्रतियोगिताबाट बाहिरिनेछ।
बाँकी खेल जिते पनि नेपालको सम्भावना अन्य टोलीको नतिजामा निर्भर रहनेछ।
प्रतिक्रिया