काठमाडौं । जारी आइसिसी टी–२० विश्वकप छनोटको सुपर सिक्स अन्तर्गत आफ्नो दोश्रो खेलमा नेपालले कतारमाथि रोमाञ्चक जित निकालेको छ।
सोमबार भएको खेलमा नेपालले कतारलाई ६ रनले पराजित गरेको हो । यो जितसँगै सुपर सिक्समा नेपालसँग ६ अंक भएको छ । कतारविरुद्धको खेलमा सन्दीप लामिछाने र नन्दन यादबले उत्कृष्ट बलिङ प्रदर्शन गरे । गुमाइसकेको खेल फर्काउन सन्दीपले सनसनीपूर्ण ५ विकेट हात पारे भने नन्दन यादवले २ विकेट लिएका थिए ।
टर हारेर पहिला ब्याटीङ गरेको नेपालले २० ओभरमा १४८ रनको मध्यम योगफल तयार गरेको थियो । नेपालका लागि कप्तान रोहित पौडेलले सर्वाधिक ५८ रनको अर्धशतकिय पारि खेलेका थिए ।
यस्तै उपकप्तान दीपेन्द्रसिंह ऐरीले २६, गुल्सन झाले १६ तथा सोमपाल कामीले १४ रन योगदान गरे।
प्रतिक्रिया