काठामाडौं । नेपालले अन्तर्राष्ट्रिय टी–२० शृङ्खलाको दोस्रो खेलमा मलेसियामाथि ६ विकेटले शानदार जित दर्ता गरेको छ।
शनिबार मलेसियाको बायुमास ओभलमा पहिलो ब्याटिङ गरेको घरेलु टोलीले दिएको ९२ रनको लक्ष्य नेपालले १६.२ ओभरमा चार विकेट गुमाउँदै पूरा गर्यो। यससँगै पाँच खेलको सिरिज १–१ को बराबरीमा पुगेको छ।
नेपालको जितमा पूजा महतोले ३९ बलमा ३९ रनको योगदान दिइन् भने कप्तान इन्दु बर्माले २१ बलमा २७ रन जोडिन्। ओपनर आइना हमिजा अविजित रहँदै ६३ बलमा शानदार ५० रन बनाएर टोलीलाई लक्ष्यसम्म पुर्याइन्।
बलिङतर्फ समु विष्टले दुई विकेट हात पारिन् भने कविता कुँवरले एक विकेट लिइन्।
यसअघि बिहीबार भएको पहिलो खेलमा नेपाल तीन रनले पराजित भएको थियो। १०५ रनको लक्ष्य पछ्याउने क्रममा नेपाल २० ओभरमा पाँच विकेट गुमाउँदै १०१ रनमै रोकिएको थियो।
प्रतिक्रिया