काठमाडौं । अन्तरिक सरकारकी नवनियुक्त प्रधानमन्त्री सुशीला कार्कीले आज पदभार ग्रहण गर्ने कार्यक्रम तय भएको छ ।
प्रधानमन्त्री तथा मन्त्रिपरिषद्को कार्यालयका अनुसार उनले बिहान ११ बजे सिंहदरबारमा पुगेर औपचारिक रूपमा कार्यभार सम्हाल्नेछिन्। यसपटक पदभार ग्रहण समारोह गृह मन्त्रालयको नयाँ भवनमा सञ्चालन हुनेछ । गत शुक्रबार शपथग्रहणपछि तत्काल पदभार ग्रहण गर्ने प्रारम्भिक योजना भए पनि शपथमा ढिलाइ हुँदा त्यसबेला कार्यक्रम स्थगित भएको थियो।
शपथ पश्चात प्रधानमन्त्री कार्की शनिबारदेखि नै सरकारी निवास बालुवाटारमा बसोबास गर्दै आएकी छिन्। आजको पदभार ग्रहणसँगै उनले औपचारिक रूपमा सरकार सञ्चालनको जिम्मेवारी सुरु गर्नेछिन् ।
साथै उनले आजै मन्त्रिपरिषद् विस्तार गर्ने पनि तयारी गरेको बताइएको छ ।
प्रतिक्रिया