काठमाडौं । मंगलबार बिहानैदेखि राजधानीमा प्रदर्शनलाई तीव्र बनाएका जेनजी प्रदर्शनकारीहरू सिंहदरबारभित्र छिरेका छन्।
उनीहरू प्रहरीको रोकथाम तोड्दै मुख्य गेटबाटै प्रवेश गरेका हुन्। सोमबारदेखि सुरु भएको आन्दोलन मंगलबार झन् आक्रामक बनेको छ। काठमाडौं मात्र नभई देशका अन्य प्रमुख शहरहरूमा पनि प्रदर्शन भइरहेको छ। प्रदर्शनकारीहरूले शीर्ष नेताहरूको निवास, पार्टी कार्यालय र प्रहरी कार्यालयहरूमाथि ढुंगामुढा गर्ने कार्य निरन्तर जारी राखेका छन्।
स्थिति नियन्त्रणमा लिन सुरक्षाकर्मीहरू परिचालन भए पनि प्रदर्शन अझै शान्त भएको छैन। मन्त्रीहरूलाई सुरक्षाको उच्च खतरा देखिँदा नेपाली सेनाको हेलिकप्टरमार्फत सुरक्षित स्थानतर्फ सारिएको छ।
प्रतिक्रिया