काठमाडौं । अस्ट्रेलियाको नर्दन टेरिटोरीमा जारी टप एन्ड टी–२० सिरिजअन्तर्गत नेपालले आज दोस्रो खेलमा बंगलादेश ‘ए’ सँग प्रतिस्पर्धा गर्नेछ ।
डार्विनको मरारा क्रिकेट ग्राउण्ड–२ मा हुने खेल नेपाली समयअनुसार दिउँसो २:१५ बजे सुरु हुनेछ । नेपाललाई रोहित पौडेलले नेतृत्व गर्नेछन् भने बंगलादेश ‘ए’ को कप्तानी नुरुल हसनले सम्हाल्नेछन् ।
पहिलो खेलमा दुवै टोली पराजित भएका कारण आज दुवै पक्ष पहिलो जितको खोजीमा हुनेछन् । नेपाल एनटी स्ट्राइकसँग ४२ रनले हारेको थियो भने बंगलादेश ‘ए’ पाकिस्तान शाहीन्ससँग ७९ रनले पराजित भएको थियो ।
गत संस्करणको उपविजेता बंगलादेश ‘ए’ मा अन्तर्राष्ट्रिय अनुभवसम्पन्न र हालैको बंगलादेश प्रिमियर लिगमा चम्किएका खेलाडीहरू रहेका छन् ।
टप एन्ड टी–२० सिरिजमा ११ टोली सहभागी छन् । २४ अगस्टसम्म डार्विन र पामरस्टनमा हुने प्रतियोगितामा ३६ लिग खेल खेलेिनेछ । नेपालले यसपछि मेलबर्न स्टार्स, होबार्ट हरिकेन्स, मेलबर्न रेनेगेड्स र पाकिस्तान शाहीन्ससँग भिड्नेछ ।
प्रतिक्रिया