काठमाडौं । मनसुनको न्यून चापीय रेखा सामान्य स्थानभन्दा दक्षिणतर्फ सरकिएकाले नेपालमा मनसुनको प्रभाव हाल कमजोर देखिएको मौसम पूर्वानुमान महाशाखाले जनाएको छ ।
आज दिउँसो सुदूरपश्चिमसहित देशका अधिकांश पहाडी भू–भागमा साधारण बदली रहनेछ भने अन्य क्षेत्रमा आंशिक बदली रहने अनुमान गरिएको छ । लुम्बिनी र सुदूरपश्चिम प्रदेशका पहाडी तथा तराई क्षेत्रसँगै अन्य प्रदेशका केही पहाडी भू–भागमा मध्यम वर्षा हुन सक्ने सम्भावना रहेको महाशाखाले जनाएको छ ।
आज राति कोशी र सुदूरपश्चिम प्रदेशका साथै अन्य पहाडी क्षेत्रमा साधारणतया बदली रहनेछ । साथै, कोशी र सुदूरपश्चिमका पहाडी तथा तराई क्षेत्र र अन्य प्रदेशका केही भागमा मध्यम वर्षा पर्न सक्ने पूर्वानुमान गरिएको छ ।
प्रतिक्रिया