काठमाडौं । एएफसी यू–२० महिला एसियन कप छनोट प्रतियोगिता खेल्न भुटान गएको नेपाली महिला फुटबल टोली सोमबार बिहान स्वदेश फर्किएको छ।
टोलीलाई त्रिभुवन अन्तर्राष्ट्रिय विमानस्थलमा अखिल नेपाल फुटबल संघ (एन्फा)का प्रवक्ता सुरेश शाहले स्वागत गरेका थिए। थिम्पुमा आयोजित छनोट चरणमा नेपालले भुटानसँग बराबरी खेल्दै सुरुवात गरेको थियो। दोस्रो खेलमा साउदी अरबमाथि प्रभावशाली जित दर्ता गरे पनि अन्तिम खेलमा उत्तर कोरियासँग पराजित भएको थियो।
चार टोली सम्मिलित समूह ‘ए’मा प्रतिस्पर्धा गर्दै नेपाली टोली समूह उपविजेता बन्दै अभियान सम्पन्न गरेको हो।
प्रतिक्रिया