नेपाली राष्ट्रिय क्रिकेट टिमको जर्सीको मुख्य प्रायोजक नासा सेक्युरिटिज

काठमाडौं । नेपाली राष्ट्रिय क्रिकेट टिमको आधिकारिक जर्सीमा अब नासा सेक्युरिटिजको लोगो देखिने भएको छ।

आइतबार नेपाल क्रिकेट संघ (क्यान) र नासा सेक्युरिटिजबीच भएको सम्झौतापछि यो सहकार्य औपचारिक भएको हो। सम्झौतासँगै नयाँ जर्सीको सार्वजनिक विमोचन समेत गरिएको थियो। राखेप सदस्य–सचिव टंकलाल घिसिङ, क्यान अध्यक्ष चतुर बहादुर चन्द र नासा सेक्युरिटिजका म्यानेजिङ डिरेक्टर मदन पौडेलले संयुक्त रूपमा नयाँ जर्सी अनावरण गरे।

सम्झौतापत्रमा क्यान अध्यक्ष चन्द, क्यानका जनरल म्यानेजर उत्सव ढुंगाना, नासा सेक्युरिटिजका म्यानेजिङ डिरेक्टर पौडेल र कम्पनीका अनिल श्रेष्ठले हस्ताक्षर गरेका छन्।

यो साझेदारीसँगै नासा सेक्युरिटिजले नेपाली क्रिकेटको यात्रामा साथ दिने मात्र होइन, टिमको पहिचानमा पनि आफ्नो उपस्थिति दर्ज गराएको छ।