काठमाडौं । नेपाल प्रिमियर लिग (एनपीएल) को दोस्रो संस्करणका लागि शनिबार राजधानीमा सम्पन्न मिनी अक्सनमा सुदूरपश्चिमका विकेटकिपर–व्याट्सम्यान दिलिप नाथ लुम्बिनी लायन्समा अनुबन्धित भएका छन्।
‘ए’ श्रेणीमा रहेका दिलिपलाई लुम्बिनीले १० लाख रुपैयाँमा अनुबन्ध गरेको हो। यस श्रेणीमा खेलाडीको न्यूनतम मूल्य १० लाख र अधिकतम १५ लाख रुपैयाँ तोकिएको छ। एनपीएलको यस संस्करणमा ‘ए’ श्रेणीमा कुल आठ जना खेलाडी छन्। मिनी अक्सनमा जनकपुर बोल्ट्स (साबिक विजेता), काठमाडौं गुर्खाज, कर्णाली याक्स, चितवन राइनोज, सुदूरपश्चिम रोयल्स (साबिक उपविजेता), लुम्बिनी लायन्स, विराटनगर किङ्स र पोखरा एभेन्जर्स गरी आठ टोली सहभागी थिए।
एनपीएलमा ‘बी’ श्रेणीका खेलाडीको मूल्य पाँचदेखि १० लाख रुपैयाँ र ‘सी’ श्रेणीका खेलाडीको मूल्य दुईदेखि पाँच लाख रुपैयाँको दायरा तोकिएको छ।
प्रतिक्रिया