अष्ट्रेलियामा टप एन्ड टी–२० सिरिज खेल्ने टोली घोषणाः कुशल मल्लको पुनरागमन, आदिलले पाएनन् मौका

काठमाडौं । अष्ट्रेलियामा आगामी अगष्ट १४ देखि २४ सम्म हुने “टप एन्ड टी–२० सिरिज” का लागि नेपाल क्रिकेट संघ (क्यान) ले नेपाली राष्ट्रिय क्रिकेट टोलीको घोषणा गरेको छ।

रोहित पौडेलको कप्तानीमा १६ सदस्यीय टोलीलाई सिरिजका लागि छनोट गरिएको हो। यस अन्तर्राष्ट्रिय टी–२० सिरिजमा नेपालले अष्ट्रेलियाका विभिन्न घरेलु टोलीसँगै पाकिस्तान र बंगलादेशका ए टिमविरुद्ध प्रतिस्पर्धा गर्नेछ। सिरिज नेपालका लागि आगामी प्रतियोगिताहरूको तयारीमा महत्वपूर्ण मानिएको छ।

टीम छनोटमा केही नयाँ मोड आएको छ। लामो समयपछि कुशल मल्ल पुनः टोलीमा फर्किएका छन्। उनी अघिल्लो पटक टिमबाट बाहिरिएका थिए। तर, पछिल्लो प्रदर्शन र तयारीका आधारमा यसपटक स्थान बनाएका हुन्। यता, विकेटकिपर ब्याट्सम्यान अनिल साह भने कमजोर लयका कारण टोलीमा अटाउन सकेनन्।

चर्चित स्पिन बलर सन्दीप लामिछाने पनि टोलीमा परेका छन्। हाल उनी बन्द प्रशिक्षणमा सहभागी छैनन्, तर प्रतियोगिताका लागि अष्ट्रेलिया जाने टिममा समावेश गरिएका छन्।

अष्ट्रेलिया टप एन्ड टी–२० सिरिजका लागि नेपाली टोली:

• रोहित पौडेल (कप्तान)
• दीपेन्द्रसिंह ऐरी (उपकप्तान)

आसिफ शेख,सन्दीप लामिछाने,कुशल भुर्तेल,कुशल मल्ल,गुल्सन झा,आरिफ शेख,भीम सार्की,रुपेश सिंह,सोमपाल कामी,नन्दन यादव,करण केसी,रिजन ढकाल,लोकेश बम,ललित राजवंशी

यो सिरिज नेपालका युवा खेलाडीहरूका लागि अन्तर्राष्ट्रिय अनुभव बटुल्ने अवसरका रूपमा पनि हेरिएको छ।