आजको मौसमः अधिकांश स्थानमा भारी वर्षा,तराईमा समेत पानि पर्ने सम्भावना

काठमाडौं । हाल देशभर मनसुनी प्रणालीको प्रभाव सक्रिय रहेको छ।

मनसुनको न्यून चापीय रेखा सामान्यभन्दा उत्तरतर्फ सरेर नेपालको तराई नजिक पुगेकाले अधिकांश भागमा मौसम बदली भएको छ। देशका अधिकांश भूभागमा पूर्ण बदली रहेको छ। कोशी, मधेस र सुदूरपश्चिम प्रदेशका केही स्थानहरूमा तथा बागमती, गण्डकी, लुम्बिनी र कर्णाली प्रदेशका धेरै स्थानहरूमा हल्कादेखि मध्यम वर्षा भइरहेको छ।

मौसम पूर्वानुमान महाशाखाका अनुसार आज देशभर आंशिकदेखि पूर्ण बदली रहनेछ। सबै प्रदेशका धेरै स्थानहरूमा मेघगर्जन र चट्याङसहित मध्यम वर्षाको सम्भावना छ। विशेषगरी कोशी, मधेस, बागमती, गण्डकी र लुम्बिनी प्रदेशका एक/दुई स्थानमा भारी वर्षाको जोखिम पनि रहेको मौसमविद्हरुले जनाएका छन्।

गण्डकी, कोशी, लुम्बिनी र मधेस प्रदेशका धेरै स्थानहरूमा तथा अन्य प्रदेशका केही स्थानहरूमा पनि मध्यम वर्षा हुन सक्ने अनुमान गरिएको छ।