काठमाडौं । नेपालले एसीसी इस्ट जोन कप क्रिकेट प्रतियोगितामा लगातार दोस्रो पटक उपाधि उचालेको छ।
शनिबार मलेसियाको यूकेएम वाईएसडी ओभलमा भएको रोमाञ्चक फाइनल खेलमा नेपालले सिंगापुरलाई २ विकेटले पराजित गर्दै उपाधि रक्षा गर्न सफल भएको हो। सिंगापुरले दिएको ११४ रनको लक्ष्य नेपालले २९ ओभरमै ८ विकेट गुमाउँदै पूरा गर्यो। यद्यपि, लक्ष्य सानो भए पनि खेलको अन्तिम चरणसम्म प्रतिष्पर्धा निकै रोमाञ्चक रह्यो।
अघिल्लो संस्करणमा पनि नेपाल विजेता बनेको थियो, जहाँ फाइनलमा मलेसियामाथि नेपालले २२१ रनको विशाल अन्तरले जीत हात पारेको थियो।
यसपटकको जितसँगै नेपालले इस्ट जोन कपमा आफ्नो दबदबा कायम राख्न सफल भएको छ।
प्रतिक्रिया