काठमाडौं । अविरल वर्षासँगै आएको बाढी र पहिरोका कारण देशका विभिन्न स्थानमा रहेका ११ वटा मुख्य राजमार्गको सडक यातायात प्रभावित भएको छ।
नेपाल प्रहरीले बिहीबार बिहान ९:१६ बजे सामाजिक सञ्जालमार्फत जानकारी दिँदै विभिन्न जिल्लाका सडकहरू अवरुद्ध भएको जनाएको हो। प्रहरीका अनुसार धनकुटा, सिन्धुपाल्चोक, काभ्रे, चितवन, नवलपरासी, म्याग्दी, गुल्मी, जुम्ला र डोटी जिल्लामा पर्ने ती राजमार्गहरूमा बाढी र पहिरोले अवरोध सिर्जना गरेको छ।
जसमा ६ वटा सडक पूर्णरूपमा बन्द छन् भने बाँकी ५ सडकहरू एकतर्फी मात्र सञ्चालनमा रहेका छन्। अवरुद्ध सडकहरू खुलाउन सम्बन्धित निकायले प्रयास गरिरहेको जनाइएको छ।
यातायातमा परेको असरले यात्रुहरूलाई गन्तव्यमा पुग्न कठिनाइ भएको छ भने पहिरोको जोखिम अझै कायम रहेकोले सतर्कता अपनाउन आग्रह गरिएको छ।
कहाँ–कहाँ अवरुद्ध सूची हेर्नुहोस्:
प्रतिक्रिया