फिफा क्लब विश्वकपः इन्टर मिलान र मोन्टेरीको रोमाञ्चक बराबरी

काठमाडौं । फिफा क्लब विश्वकपअन्तर्गत समूह ‘इ’ मा आज बिहान भएको खेलमा इटालियन क्लब इन्टर मिलान र मेक्सिकन टोली मोन्टेरीले १–१ को रोमाञ्चक बराबरी खेलेका छन्।

मोन्टेरीले खेलको २५औं मिनेटमा सुरुआती अग्रता लिएको थियो। टोलीका अनुभवी डिफेन्डर सर्जियो रामोसले हेडमार्फत गोल गर्दै टिमलाई अघि बढाएका थिए। तर पहिलो हाफको अन्त्यतिर, ४२औं मिनेटमा इन्टरका स्ट्राइकर लाउतारो मार्टिनेजले गोल फर्काउँदै खेल बराबरीमा ल्याए।

यसअघि समूहकै अर्को खेलमा अर्जेन्टिनी क्लब रिभर प्लेटले जापानी टोली उर्वा रेड्सलाई ३–१ ले पराजित गर्दै प्रतियोगितामा शानदार सुरुवात गरेको छ। खेलपछिको अंकतालिका अनुसार रिभर प्लेट ३ अंकसहित शीर्ष स्थानमा छ भने इन्टर मिलान र मोन्टेरीले समान १–१ अंक बटुलेका छन्।

उर्वा रेड्स भने अंकविहीन अवस्थामा रहेको छ।