काठमाडौं । अनेरास्ववियुको २४ औं राष्ट्रिय महाधिवेशन सचिव पदका लागि नेकपा एमाले निकट युवा नेतृ रेखा न्यौपानेले औपचारिक उम्मेदवारी दर्ता गरेकी छन्।
संगठनभित्रको प्रतिस्पर्धामा उनी एक सशक्त दावेदारका रूपमा अघि बढेकी छन्। विगत लामो समयदेखि विद्यार्थी राजनीति र संगठन निर्माणमा सक्रिय रहिएकी न्यौपानेले नेतृत्व क्षमताको स्पष्ट छवि बनाएकी छन्। उनको साङ्गठनिक अनुभव, स्पष्ट विचारधारा र विद्यार्थीहरूबीचको लोकप्रियताले उनलाई सचिव पदको दौडमा अग्रपंक्तिमा ल्याएको देखिन्छ।
महाधिवेशनको मतदान समय नजिकिँदै जाँदा संगठनभित्र उनको पक्षमा समर्थन थप व्यापक बन्दै गएको छ। आजैको कार्यतालिका अनुसार मतदान प्रक्रिया सम्पन्न हुने तयारी रहेको छ।
अनेरास्ववियुको भावी नेतृत्व चयनमा निर्णायक बन्ने यो मतदानमा रेखा न्यौपानेको उम्मेदवारीलाई गम्भीर रूपमा हेरिएको छ।
प्रतिक्रिया