काठमाडौं । सरकारले आगामी आर्थिक वर्ष २०८२/८३ का लागि युवा तथा खेलकुद मन्त्रालयका लागि ६ अर्ब ८ करोड रुपैयाँ बजेट विनियोजन गरेको छ।
बिहीबार संघीय संसदको संयुक्त बैठकमा अर्थमन्त्री विष्णुप्रसाद पौडेलले बजेट प्रस्तुत गर्दै खेलकुद पूर्वाधार विकास र युवा सशक्तीकरणलाई प्राथमिकता दिइएको जानकारी दिए। चालू आर्थिक वर्षको तीन अर्ब ५० करोड रुपैयाँको तुलनामा यो बजेट करिब दोब्बरले वृद्धि भएको हो।
सरकारले यस कदममार्फत खेलकुद प्रतिभा विकास, अन्तर्राष्ट्रिय प्रतियोगिता तयारी र युवामैत्री कार्यक्रमहरू विस्तार गर्ने संकेत दिएको छ।
प्रतिक्रिया