काठमाडौं । आगामी आर्थिक वर्ष २०८२/८३ को बजेटमा कृषि उत्पादनमा टेवा पुर्याउने उद्देश्यले सरकारले रासायनिक मल आपूर्तिमा विशेष जोड दिएको छ।
अर्थमन्त्री विष्णुप्रसाद पौडेलले बिहीबार संघीय संसद्को संयुक्त बैठकमा बजेट प्रस्तुत गर्दै मल अनुदानका लागि २८ अर्ब ८२ करोड रुपैयाँ विनियोजन गरिएको घोषणा गरेका छन्। उनका अनुसार, आगामी वर्षमा रासायनिक मलको आपूर्ति ६ लाख मेट्रिक टन पुर्याउने लक्ष्य लिइएको छ। साथै, रासायनिक मल कारखाना स्थापनाका लागि लगानी बोर्डमार्फत आवश्यक तयारी अगाडि बढाइने योजना समेत रहेको छ।
यससँगै सरकारले प्राङ्गारिक कृषि प्रवर्द्धनलाई पनि बेवास्ता गरेको छैन। त्यसका लागि छुट्टै ४० करोड रुपैयाँ बजेट छुट्याइएको छ। बजेट वक्तव्यमा अर्थमन्त्री पौडेलले पुष्पलाल मध्य पहाडी राजमार्ग र मदन भण्डारी राजमार्ग आसपासको क्षेत्रलाई उत्पादन केन्द्रित क्षेत्रमा विकास गर्ने योजना पनि सार्वजनिक गरेका छन्।
प्रतिक्रिया