नवराज सुवेदीको नेतृत्वमा रहेको संयुक्त जनआन्दोलन समिति ले आज दिउँसो २ बजे रत्नपार्कमा आयोजना गर्न लागेको विरोध कार्यक्रममा दुर्गा प्रसाईं समूह सहभागी नहुने भएको छ।
प्रसाईं नेतृत्वको राष्ट्र, राष्ट्रियता, धर्म, संस्कृति र नागरिक बचाउ महाअभियान नेपाल ले एक विज्ञप्ति जारी गर्दै आजको आन्दोलनमा सहभागी नहुने स्पष्ट पारेको हो। विज्ञप्ति महाअभियानका सचिव प्रेमदीप लिम्बू द्वारा जारी गरिएको हो, जसमा राप्रपाको नेतृत्वमा हुने आन्दोलनमा आफूहरू नजाने उल्लेख गरिएको छ।
उल्लेखनीय कुरा के छ भने, चैत १४ गते संयुक्त जनआन्दोलन समिति ले दुर्गा प्रसाईंलाई ‘जनकमान्डर’ घोषणा गरेको थियो। तर, त्यसको भोलिपल्ट चैत १५ गते तीनकुनेमा भएको प्रदर्शन हिंसात्मक बनेपछि प्रसाईंलाई प्रहरीले नियन्त्रणमा लिएको थियो। सो घटनापछि प्रसाईं समूह आन्दोलनबाट टाढिन थालेको बुझिन्छ।
यस घटनाक्रमले आन्दोलनको स्वरूप र उद्देश्यबारे नयाँ बहस जन्माएको छ।
प्रतिक्रिया