काठमाडौं । नेपाली बजारमा बिहीबार सुनचाँदीको मूल्यमा गिरावट आएको छ।
नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रति तोला १ हजार ५ सय रुपैयाँले घटेको हो। गएको दिन बुधबार तोलाको १ लाख ८९ हजार ३०० रुपैयाँमा कारोबार भएको सुन आज तोलाको १ लाख ८७ हजार ८ सय रुपैयाँमा झरेको छ।
त्यस्तै, चाँदीको मूल्यमा पनि कमी आएको छ। महासङ्घका अनुसार आज चाँदी प्रति तोला १० रुपैयाँले घट्दै १ हजार ९ सय ९५ रुपैयाँमा कारोबार भइरहेको छ। सुनचाँदीको मूल्य अन्तर्राष्ट्रिय बजारको मूल्य र माग–आपूर्तिको आधारमा दैनिक रूपमा घटबढ हुने गर्छ।
पछिल्लो मूल्य घटबढले सुनचाँदी कारोबारी र उपभोक्तामा मिश्रित प्रतिक्रिया देखिएको छ।
प्रतिक्रिया