सुनको मूल्यमा भारी गिरावट, चाँदीको भाउ पनि घट्यो

काठमाडौं । नेपाली सुनचाँदी बजारमा बुधबार सुनको मूल्यमा उल्लेखनीय गिरावट आएको छ।

मंगलबारको तुलनामा आज सुनको भाउ प्रतितोला १६ सय रुपैयाँले घटेको छ। नेपाल सुनचाँदी व्यवसायी महासंघका अनुसार बुधबार छापावाल सुन प्रतितोला १ लाख ८९ हजार ३०० रुपैयाँमा कारोबार भइरहेको छ। मंगलबार सोही सुनको मूल्य १ लाख ९० हजार ९०० रुपैयाँ थियो। यसैगरी, चाँदीको भाउ पनि घटेको छ। मंगलबार प्रतितोला १ हजार ९९५ रुपैयाँमा कारोबार भएको चाँदी बुधबार २ हजार ५ रुपैयाँमा झरेको छ।

नेपालमा सुनचाँदीको मूल्य निर्धारण अन्तर्राष्ट्रिय बजारको दरको आधारमा हुने गर्दछ। बुधबार अन्तर्राष्ट्रिय बजारमा सुन प्रतिऔंस ३ हजार २९७.१६ अमेरिकी डलरमा कारोबार भइरहेको छ भने चाँदीको भाउ ३३.२७ डलर पुगेको छ।

लगातार मूल्य घट्ने क्रमले बजारमा सुनचाँदी खरिद गर्न चाहने ग्राहकहरूका लागि नयाँ अवसरहरू खुला गराएको व्यवसायीहरूको भनाइ छ।