पहिलो दिनमै नेप्सेमा ९.१४ अङ्कको गिरावट, कारोबार रकम ७ अर्ब नाघ्यो

काठमाडौं । साताको पहिलो दिन आइतबार सेयर बजारमा गिरावट देखिएको छ ।

नेपाल स्टक एक्सचेन्ज (नेप्से) परिसूचक ९.१४ अङ्कले घट्दै २६७९.४१ विन्दुमा झरेको छ। आज कुल ३१४ कम्पनीको ७० हजार ६१० पटक कारोबार हुँदा १ करोड ८५ लाख ५ हजार ७७१ कित्ता सेयर किनबेच भएका छन्। कुल कारोबार रकम ७ अर्ब ६० करोड ९५ लाख ४२ हजार २१२ रुपैयाँ पुगेको छ। सेयर मूल्यको हिसाबले हेर्दा ९९ कम्पनीका सेयर मूल्यमा वृद्धि भए पनि १४८ कम्पनीका सेयर घटेका छन् भने १ कम्पनीको मूल्य स्थिर रहेको छ।

१३ वटा उपसमूहहरूमध्ये २ उपसमूहबाहेक बाँकी सबैमा गिरावट आएको छ। ओम मेगाश्री फर्मास्युटिकल्सको सेयर मूल्य १० प्रतिशतले बढेको छ भने राधी विद्युत् कम्पनीप्रति लगानीकर्ताको आकर्षण देखिएको छ।

बजारमा हाल चाप देखिए पनि केही कम्पनीले भने लगानीकर्तालाई आशा देखाएका छन्।