काठमाडौं । आईसीसी टी–२० महिला विश्वकप एसिया छनोटको सुपर थ्री चरणमा नेपालले संयुक्त अरब इमिरेट्स (यूएई) विरुद्ध टस जित्दै पहिले फिल्डिङ गर्ने निर्णय गरेको छ।
थाइल्याण्डको राजधानी बैंककमा जारी प्रतियोगितामा नेपालले यूएईलाई ब्याटिङको अवसर दिँदै खेलको सुरुवात गरेको हो। टी–२० अन्तर्राष्ट्रिय र्याङ्किङमा यूएई नेपालभन्दा माथि रहेकाले नेपालका लागि आजको खेल निकै चुनौतीपूर्ण रहनेछ। अहिलेसम्म सुपर थ्री चरणको अंकतालिकामा नेपाल ५ अंकसहित दोस्रो स्थानमा रहेको छ भने यूएई ६ अंकसहित अगाडि रहेको छ।
नेपालले यदि आजको खेल गुमायो भने ग्लोबल क्वालिफायरमा पुग्ने सम्भावना समाप्त हुनेछ। उता, यूएई पनि आज पराजित भएमा ग्लोबल क्वालिफायरमा पुग्ने अवसर गुमाउनेछ।
प्रतिक्रिया