काठमाडौं । काठमाडौंमा आजदेखि ‘जलवायु परिवर्तन, हिमाल र मानवताको भविष्य’ भन्ने मूल विषयमा केन्द्रित अन्तर्राष्ट्रिय सम्मेलन सगरमाथा संवाद औपचारिक रूपमा सुरु भएको छ।
प्रधानमन्त्री केपी शर्मा ओलीले विशेष समारोहका बीच यस संवादको उद्घाटन गरे। उद्घाटन समारोहमा देशविदेशका ३५० भन्दा बढी विशिष्ट व्यक्तित्वहरुको उपस्थिति रहेको छ। कार्यक्रमको संयोजन परराष्ट्रमन्त्री तथा संवाद व्यवस्थापन समितिकी संयोजक डा. आरजु राणा देउवाले प्रमुख पाहुनाहरुलाई स्वागत गर्दै गरिमा थपेकी थिइन्।
उद्घाटन सत्रपछि विषयगत छलफल र समानान्तर सत्रहरु सञ्चालन हुँदैछन्, जसमा जलवायु परिवर्तनले हिमाली क्षेत्रमा पार्ने प्रभाव, मानव अस्तित्वमाथिको खतरा, र दीगो समाधानका उपायबारे गहन बहस गरिनेछ। यो संवाद आइतबारसम्म सञ्चालन हुने छ। सगरमाथा संवादले नेपाललाई जलवायु बहसको केन्द्रमा राख्दै विश्व समुदायबीच सहकार्य र चेतना विस्तारमा महत्त्वपूर्ण योगदान दिने अपेक्षा गरिएको छ।
प्रतिक्रिया