काठमाडौं । काठमाडौं महानगरपालिका–१९ अन्तर्गत पर्ने विष्णुमती करिडोरको कंकेश्वरी क्षेत्रमा पानी जमेर सवारी आवागमन प्रभावित भएको छ।
मंगलबार दिउँसोको वर्षासँगै पानीको उचित निकास नहुँदा सडक जलमग्न बनेको हो। वर्षायाम सुरु भएसँगै पानी जम्ने समस्या दोहोरिइरहे पनि सम्बन्धित निकायले यसको समाधानतर्फ चासो नदेखाएको स्थानीयवासीको गुनासो छ। जलमग्न सडकका कारण सर्वसाधारणले आवतजावतमा सास्ती भोग्नु परेको छ।
हरेक वर्ष पानी जम्ने समस्या दोहोरिँदा पनि सडक संरचनाको सुधारमा पहल नहुनु गम्भीर चुनौती बनेको छ।
प्रतिक्रिया