काठमाडौं । साताको पहिलो दिन नेपाली शेयर बजार केही कमजोर देखिएको छ।
नेप्से परिसूचक आज ३.४४ अंकले घट्दै २,६२०.३९ विन्दुमा झरेको छ। बैंक, विकास बैंक, होटल, उत्पादन र निर्जीवन बीमा समूह बाहेक अन्य सबै समूहको सूचकमा गिरावट आएको हो। विशेषतः फाइनान्स समूहमा झन्डै १.५ प्रतिशतको गिरावट देखिएको छ। विन नेपाल लघुवित्तको शेयर मूल्य १० प्रतिशतले घटेको छ, जुन आजको सबैभन्दा ठूलो गिरावट हो।
यद्यपि बजार समग्रमा घटे पनि नेपाल माइक्रो इन्सुरेन्स, क्रेस्ट माइक्रो लाइफ इन्सुरेन्स, र ओम मेगाश्री फर्मास्युटिकल्सका शेयरमा १० प्रतिशतसम्मको वृद्धि देखिएको छ। कारोबार रकम पनि अघिल्लो दिनको तुलनामा थोरै घटेको छ।
बुधबार ९ अर्ब ३७ करोड रुपैयाँ बराबरको कारोबार भएको थियो भने आज ३२२ कम्पनीका २ करोड १९ लाख कित्ता शेयरहरू किनबेच भई कुल ९ अर्ब २४ करोड रुपैयाँको कारोबार भएको हो।
प्रतिक्रिया