नीति तथा कार्यक्रम : उद्यमशीलता मार्फत रोजगारी सिर्जना सरकारको प्राथमिकता

काठमाडौं । सरकारले आगामी नीति तथा कार्यक्रममा जेनजी (Gen Z) अर्थात् नयाँ पुस्तालाई लक्षित गरी स्टार्टअप र उद्यमशीलता प्रवर्द्धन गर्ने घोषणा गरेको छ।

राष्ट्रपति रामचन्द्र पौडेलले संसद्मा प्रस्तुत गरेका सरकारका नीति तथा कार्यक्रममा जेनजी पुस्तालाई प्राथमिकतामा राख्दै नयाँ व्यवसाय सुरु गर्न सक्ने वातावरण तयार पारिने स्पष्ट गरिएको छ। ‘नयाँ पुस्तालाई लक्षित गरी स्टार्टअप प्रोत्साहन गरिनेछ,’ राष्ट्रपति पौडेलले सम्बोधनमा भने, ‘उद्यमशीलता मार्फत रोजगारी र आम्दानीका अवसरहरू सिर्जना गरिनेछ।’

सरकारको यस घोषणाले डिजिटल युगमा हुर्कँदै गरेका युवाहरूलाई सिर्जनशील उद्यमका लागि प्रेरित गर्नुका साथै आर्थिक आत्मनिर्भरता हासिल गर्न सहयोग पुग्ने अपेक्षा गरिएको छ।