काठमाडौं । आगामी आर्थिक वर्ष २०८२/८३ मा सरकार पूर्वाधार विकासलाई पुनः प्राथमिकिकरण गर्दै नयाँ ढंगले अगाडि बढ्ने भएको छ ।
राष्ट्रपति रामचन्द्र पौडेलले संसदको संयुक्त बैठकमा प्रस्तुत गरेको नीति तथा कार्यक्रममा आगामी वर्षका लागि विकास निर्माणका आयोजनालाई पुनः मूल्यांकन गरी क्रमबद्ध रूपमा अगाडि बढाइने उल्लेख छ । उनले विगतमा देखिएका कमजोरीहरूलाई सुधार गर्दै विकासको गति, ढाँचा र संस्कृति नै परिवर्तन गरिने स्पष्ट पारे ।
यसक्रममा विगतमा घोषणा गरिएका परियोजनाहरूलाई वर्गीकरण गरी, के–कति आयोजना यस आर्थिक वर्ष वा संसदको कार्यकालमै सम्पन्न गर्न सकिन्छ भन्ने आधारमा समय तालिका तयार गरिनेछ ।
त्यस्तै, निर्माणाधीन तथा प्रस्तावित सबै आयोजना मूल्यांकन गरी स्रोतको सुनिश्चितता हुने योजनाहरूलाई मात्र अगाडि बढाइने र सम्भावना नदेखिएका आयोजनाहरूलाई स्थगित वा खारेज गरिने घोषणा पनि गरिएको छ ।
प्रतिक्रिया