काठमाडौं । आज बिहानैदेखि काठमाडौं उपत्यकामा वर्षा भइरहेको छ।
बङ्गालको खाडीबाट भित्रिएको जलवाष्पयुक्त हावाको असरले देशभरको मौसम प्रभावित भएको मौसमविद्हरुरुले बताएका छन् । हाल काठमाडौंमा हल्का वर्षा भइरहेको भए पनि आकाश पूरै धुम्म छ। यसले गर्दा आन्तरिक तथा अन्तर्राष्ट्रिय उडानहरूमा असर परेको छ। त्रिभुवन अन्तर्राष्ट्रिय विमानस्थलबाट हुने उडानहरूमा ढिलाइ भएको छ।
मौसम पूर्वानुमान महाशाखाका अनुसार आगामी दुई दिनसम्म देशका धेरैजसो भागमा बदली र वर्षाको सम्भावना छ। बागमती, कोशी, र मधेस प्रदेशका विभिन्न जिल्लामा बिहानैदेखि पानी परिरहेको छ भने लुम्बिनी र सुदूरपश्चिमका तराई क्षेत्रहरूमा हावाहुरीको पनि सम्भावना रहेकोले सतर्क रहन अनुरोध गरिएको छ।
सामान्य बदली जस्तो देखिए पनि मौसमले यात्रुहरूलाई सास्ती दिएको छ। आगामी केही दिन यात्रा योजना बनाउँदा मौसमको पूर्वानुमानअनुसार सावधानी अपनाउन सुझाव दिइएको छ।
प्रतिक्रिया