नवलपरासी । पूर्वी नवलपरासीको दाउन्ने बजारमा आइतबार बिहान एक ट्रक अनियन्त्रित भई होटलमा पुगेको छ। विनयीत्रिवेणी गाउँपालिका–२ स्थित दाउन्ने बजारमा ना ५ ख ८६७१ नम्बरको ट्रक ब्रेक फेल भएर होटलमा प्रवेश गरेको हो।
नारायणगढबाट बुटवल जाँदै गरेको ट्रकमा मार्बल लोड गरिएको थियो। ट्रकको ब्रेक फेल भएपछि, पूर्वी नवलपरासीका डिएसपी मधु नेपालका अनुसार ट्रक अनियन्त्रित भई धौलागिरी होटल एण्ड लजमा पूर्ण क्षति पुर्याएको छ। यसका साथै, सँगै रहेको पवन लम्सालले चलाएका अन्य होटललाई पनि आंशिक क्षति पुगेको छ।
दुर्घटनामा कुनै पनि मानवीय क्षति भएको छैन भने, ट्रकका चालक र सहचालकलाई प्रहरीले नियन्त्रणमा लिएर थप अनुसन्धान सुरु गरेको जनाएको छ।
प्रतिक्रिया