काठमाडौं । नेपाली बजारमा आज (शुक्रबार) सुनचाँदीको मूल्यमा उल्लेखनीय गिरावट आएको छ।
नेपाल सुनचाँदी व्यवसायी महासंघका अनुसार शुक्रबार सुनको मूल्य अघिल्लो दिनको तुलनामा तोलामा एक हजार रुपैयाँले घटेको हो। बिहीबार छापावाल सुनको मूल्य तोलामा १ लाख ९० हजार ६०० रुपैयाँ थियो भने शुक्रबार सो मूल्य घटेर १ लाख ८९ हजार ६०० रुपैयाँमा कारोबार भइरहेको महासंघले जनाएको छ।
त्यस्तै, चाँदीको मूल्यमा पनि सामान्य गिरावट आएको छ। अघिल्लो दिन तोलामा २ हजार १० रुपैयाँ कायम भएको चाँदीको मूल्य आज १० रुपैयाँले घट्दै २ हजार रुपैयाँमा झरेको हो।
सुनचाँदीका मूल्यमा देखिएको यो उतारचढाव अन्तर्राष्ट्रिय बजारको प्रभावसँगै माग र आपूर्तिको अवस्थाले पनि निर्धारण हुने गर्दछ।
प्रतिक्रिया