काठमाडौं । काठमाडौंको चन्द्रागिरि नगरपालिका–१५ स्थित ढुंगेअड्डा पिपलबोट अगाडिको मुख्य सडकमा एक सार्वजनिक बसमा अचानक आगलागी भएको छ।
कलंकीबाट थानकोटतर्फ गइरहेको बागमती प्रदेश ०३–०१–००५ ख ९७८६ नम्बरको उक्त बसमा फाइबर सर्टका कारण आगो लागेको जिल्ला प्रहरी परिसर काठमाडौंले जनाएको छ । प्रहरी, स्थानीयवासी तथा नगरपालिकाको दमकल र ट्यांकरको सहयोगमा आगो नियन्त्रणमा लिइएको हो।
प्रहरीका अनुसार बस पूर्णरूपमा जलेर नष्ट भए पनि कुनै मानव क्षति भने भएको छैन, जसले ठूलो दुर्घटना टरेको संकेत गर्छ।
प्रतिक्रिया