काठमाडौं । आगामी आर्थिक वर्षको नीति तथा कार्यक्रम वैशाख १९ गते प्रतिनिधि सभामा प्रस्तुत हुने पक्का भएको छ।
सभामुख देवराज घिमिरेले प्रमुख सचेतकहरूसँग बुधबार सम्पन्न छलफलपछि उक्त मिति तय गरिएको हो। एमाले प्रमुख सचेतक महेश बर्तौलाका अनुसार यसपालिको तयारी विधि अघिल्ला वर्षहरुभन्दा केही फरक छ। उनका अनुसार यसपटक पहिला नीति तथा कार्यक्रम संसदमा प्रस्तुत गरी पारित गरिनेछ, अनि त्यसको आधारमा बजेटका प्राथमिकता तय गरिनेछ।
“पहिले बजेटको प्राथमिकतामा छलफलपछि नीति तथा कार्यक्रम ल्याइन्थ्यो, अहिले उल्टो प्रक्रियाबाट अघि बढ्ने तयारी हो,” बर्तौलाले स्पष्ट पारे। यसैबीच, बजेट अधिवेशन वैशाख १२ गतेदेखि सुरु हुने जनाइएको छ।
सरकारको नीति, योजना र आर्थिक दृष्टिकोणबारे बहस हुने यो अधिवेशनमा महत्वपूर्ण विषयहरू उठ्ने अपेक्षा गरिएको छ।
प्रतिक्रिया