खाँदवारी । सङ्खुवासभाको भोटखोला क्षेत्रमा पर्ने कोशी राजमार्ग आज बिहानदेखि पहिरोका कारण अवरुद्ध भएको छ।
मकालु गाउँपालिका–३ स्थित आलफाट्टेमा खसेको ठूलो पहिरोले सवारी आवागमन पूर्ण रूपमा ठप्प पारेको जिल्ला प्रहरी कार्यालय सङ्खुवासभाले जनाएको छ । प्रहरीका अनुसार मंगलबार राति लगातारको वर्षापछि एकुवा खोलामा आएको बाढीले सडक कटान गराउँदा पहिरो खसेको हो।
अहिले पहिरो हटाउने प्रयास तीव्र गतिमा भइरहेको छ भने स्थानीयवासी र सुरक्षाकर्मीको सहयोगमा सडक खुलाउने काम जारी छ। सडक अबरुद्ध हुँदा यात्रु र स्थानीयवासीलाई निकै कठिनाइ भएको छ।
यस खण्डको सडक सञ्चालन कहिले सम्भव हुने भन्ने विषयमा अझै निश्चित समय तोकिएको छैन।
प्रतिक्रिया