एजेन्सी । केएल राहुल र अभिषेक पोरेलको उत्कृष्ट अर्धशतकको मद्दतले दिल्ली क्यापिटल्सले आइपीएल २०२५ मा छैटौं जित हात पारेको छ।
मंगलबार सम्पन्न खेलमा दिल्लीले लखनउ सुपर जायन्ट्सलाई ८ विकेटले पराजित गरेको हो। लखनउले प्रस्तुत गरेको १६० रनको लक्ष्य दिल्लीले १८ ओभरमै २ विकेट गुमाएर पूरा गर्यो। केएल राहुलले अविजित ५७ रन र अभिषेक पोरेलले ५१ रन बनाए। कप्तान अक्षर पटेल पनि ३४ रनमा अविजित रहे। लखनउका लागि दुई विकेट एइडेन मार्क्रमले झारे।
टस हारेर पहिले ब्याटिङ गरेको लखनउले निर्धारित २० ओभरमा ६ विकेट गुमाउँदै १५९ रन जोड्यो। एइडेन मार्क्रमले ५२ रन, मिचेल मार्शले ४५ रन र आयुष बदोनीले ३६ रनको योगदान दिए। सुरुवात बलियो भए पनि अन्त्यतिर रनको गतिमा गिरावट आएपछि लखनउ सन्तोषजनक स्कोर बनाउन चुक्यो ।
दिल्लीका लागि मुकेश कुमार सबैभन्दा सफल बलर रहे। उनले ४ ओभरमा ३३ रन दिँदै ४ विकेट लिए। मिचेल स्टार्क र दुस्मान्था चमीराले १-१ विकेट हात पारे । यो जितपछि दिल्ली क्यापिटल्स ८ खेलमा १२ अंकसहित अंक तालिकाको दोस्रो स्थानमा उक्लिएको छ।
लखनउ सुपर जायन्ट्स भने ९ खेलमा १० अंक बटुल्दै पाँचौं स्थानमा कायम छ।
प्रतिक्रिया