काठमाडौं। नेकपा माओवादी केन्द्रका अध्यक्ष पुष्पकमल दाहाल प्रचण्डले शिक्षक आन्दोलनलाई निरन्तरता दिन अपिल गरेका छन्।
नेपाल कम्युनिस्ट पार्टीको ७७औं स्थापना दिवसको अवसरमा पेरिसडाँडामा आयोजित कार्यक्रममा उनले भने, “शिक्षक साथीहरूलाई धैर्यतापूर्वक आन्दोलनलाई निरन्तरता दिन चाहन्छु। तपाईंहरूले पटकपटक आन्दोलन गरेका, सम्झौता गरेका र धोका खाएका छन्, यसपटक त्यो स्थिति हुन नदिने जिम्मेवारी हामी सबैको छ।”
शिक्षकहरूको माग विद्यालय शिक्षा ऐनको सम्बन्धमा छ, जुन मागलाई सरकारसँग बारम्बार वार्ता गरे पनि समाधान भएको छैन। प्रचण्डले भने, “शिक्षकहरूले कुनै नयाँ कुरा मागेका छैनन्, पुरानो सम्झौताअनुसार ऐन बनाइदिनुपर्ने हो।” यस क्रममा उनले सरकारको गैरजिम्मेवारीको संकेत गर्दै एमालेकी नेतृ विद्या भट्टराईको राजीनामाको विषय पनि उठाए। “विद्या भट्टराईको राजीनामा सरकारको गैरजिम्मेवारीको नयाँ प्रमाण हो,” उनले भने।
प्रचण्डले प्रधानमन्त्री केपी शर्मा ओलीको नकारात्मक दृष्टिकोणको आलोचना गर्दै सरकारलाई बुद्धि पुर्याउन आग्रह गरे।
प्रतिक्रिया