काठमाडौं । राष्ट्रिय स्वतन्त्र पार्टी (रास्वपा) का सभापति तथा पूर्वगृहमन्त्री रवि लामिछानेविरुद्ध दायर बन्दी प्रत्यक्षीकरण (हाबियस कर्पस) सम्बन्धी रिट अब सर्वोच्च अदालतको संयुक्त इजलासमा सुनुवाइ हुने भएको छ।
मंगलबार न्यायाधीश अब्दुल अजिज मुसलमानको एकल इजलासमा प्रारम्भिक सुनुवाइ सम्पन्न भएपछि उक्त रिटलाई संयुक्त इजलासमा पठाउन आदेश दिइएको हो। अब यो मुद्दाको सुनुवाइका लागि संयुक्त इजलासको पेशी तोकिनेछ। लामिछाने हाल बुटवल उच्च अदालतको आदेशअनुसार सहकारी ठगी प्रकरणमा पुर्पक्षका लागि रुपन्देही कारागारमा छन्।
उनी गैरकानुनी रूपमा थुनामा राखिएको आरोप लगाउँदै उनकी पत्नी निकिता पौडेलले सर्वोच्च अदालतमा बन्दी प्रत्यक्षीकरणको रिट दायर गरेकी हुन्।
प्रतिक्रिया