काठमाडौं । विद्यालय शिक्षा ऐनको माग राख्दै शिक्षकहरुले राजधानी केन्द्रित आन्दोलन थालेको आज २० दिन पुगेको छ ।
यसैबीच, लामो समयदेखि आन्दोलनरत शिक्षकसँगको संवादले कुनै निष्कर्ष ननिकालेपछि शिक्षामन्त्री विद्या भट्टराईले पदबाट राजीनामा दिएकी छन् । शिक्षक आन्दोलन उत्कर्षमा पुगिरहेका बेला मन्त्री भट्टराईले मन्त्रिपरिषद बैठकको केही समय अगावै प्रधानमन्त्री निवास बालुवाटार पुगेर प्रधानमन्त्री केपी शर्मा ओलीलाई राजीनामा पत्र बुझाएको प्रधानमन्त्रीको सचिवालयले जनाएको छ ।
नेपाल शिक्षक महासंघ र शिक्षा मन्त्रालयबीच पटक–पटक संवाद भए पनि सहमति जुट्न नसक्दा सरकार र आन्दोलनरत पक्षबीच दूरी झनै बढिरहेको बेला राजीनामा आएको हो ।
मन्त्रीको राजीनामापछि अब मन्त्रिपरिषदबाट शिक्षकहरुको मागबारे निर्णय आउने अपेक्षा गरिएको छ ।
प्रतिक्रिया