सिंहदरबारबाट राप्रपाका नेताहरू पक्राउ

काठमाडौं । सिंहदरबारभित्रैबाट सरकारविरुद्ध आवाज उठाएका राप्रपा अध्यक्ष राजेन्द्र लिङदेनसहितका शीर्ष नेताहरूलाई प्रहरीले नियन्त्रणमा लिएको छ।

संसदीय दलको कार्यालय परिसरमै विरोध प्रदर्शन गरेका लिङदेन, उपाध्यक्ष बुद्धिमान तामाङ, प्रमुख सचेतक ज्ञानेन्द्र शाहीलगायत नेताहरूलाई प्रहरीले नियन्त्रणमा लिएको हो।

उनीहरू विरोध स्वरूप कार्यालयबाट बाहिरिएर नयाँ बानेश्वरतर्फ जाने तयारीमा थिए। त्यसक्रममा उनीहरूले पूर्वघोषित सामूहिक गिरफ्तारी कार्यक्रमअनुसार सरकारविरुद्ध नाराबाजी गरेका थिए।

प्रहरीले सिंहदरबारको सुरक्षा व्यवस्था कडा पार्दै उनीहरूलाई तत्काल नियन्त्रणमा लिएको हो। राप्रपाले राजसंस्थाको पुनःस्थापनालगायत माग राख्दै सशक्त आन्दोलन सुरु गरिसकेको छ।