वर्षाले बगायो नेपालको विश्वकप सपना ! अफगानिस्तानलाई फाइदा

काठमाडौं । आईसीसी यू–१९ विश्वकप क्रिकेटको एसिया छनोट अन्तर्गत नेपाल र अफगानिस्तानबीचको निर्णायक खेल वर्षाका कारण रद्द भएको छ।

शनिबार बिहान ९ बजेबाट काठमाडौंको मूलपानी क्रिकेट मैदानमा सुरु हुने तालिका रहे पनि मौसमले खेल हुन दिएन। यससँगै अंक बराबरी भए पनि रनरेटमा पछि परेपछि नेपाल यू–१९ टोलीको विश्वकप यात्रा अधुरै रह्यो। नेपाल र अफगानिस्तान दुवैले अघिल्ला तीन खेलमा युएई, ओमान र हङकङलाई पराजित गरेका थिए।

अन्तिम खेल जितेर विश्वकपमा स्थान बनाउने दुवैको योजना वर्षाले तोडिदियो। तर, रनरेटमा अफगानिस्तान अगाडि रहेकाले उसैले विश्वकपको टिकट हात पार्‍यो। नेपालका लागि उत्कृष्ट प्रदर्शन गरे तापनि मौसमले अन्त्यमा खेल बिगारिदिँदा समर्थकहरू निराश भएका छन्।

यू–१९ टोलीको मनोबल भने अझै उच्च रहेको जनाइएको छ।