पर्सा । वीरगञ्ज महानगर क्षेत्रमा जारी गरिएको निषेधाज्ञा आज बिहानदेखि हटाइएको छ। जिल्ला प्रशासन कार्यालय पर्साले शान्तिसुरक्षा स्थिति सामान्य भएको भन्दै निषेधाज्ञा हटाउने निर्णय गरेको हो।
बिहीबार प्रमुख जिल्ला अधिकारी गणेश अर्यालको अध्यक्षतामा बसेको जिल्ला सुरक्षा समितिको बैठकले वैशाख १ गतेदेखि लागू गरिएको निषेधाज्ञा आज बिहान ७ बजेदेखि हटाउने निर्णय गरेको हो।
निर्णय अनुसार, स्थानीय प्रशासन ऐन, २०२८ को दफा ६(३क) अन्तर्गत महानगरका केही क्षेत्रमा लागू भएको निषेधाज्ञा अब पूर्ण रूपमा हटाइएको छ।
गएको शनिबार हनुमान् जयन्तीको शोभायात्राका क्रममा उत्पन्न विवादका कारण महानगरका केही भागमा निषेधाज्ञा जारी गरिएको थियो। अहिले स्थिति सामान्य भएकाले प्रशासनले प्रतिबन्ध हटाएको जनाएको छ।
प्रतिक्रिया