काठमाडौं । प्रधानमन्त्री तथा त्रिभुवन विश्वविद्यालयका कुलपति केपी शर्मा ओलीले विश्वविद्यालयको रिक्त उपकुलपति पदमा शिक्षाध्यक्ष प्रा. डा. खड्ग केसीलाई कार्यवाहक उपकुलपतिका रूपमा नियुक्त गरेका छन्।
डा. केसीले बढीमा तीन महिनासम्म उक्त जिम्मेवारी सम्हाल्नेछन्। त्रिभुवन विश्वविद्यालय ऐन, २०४९ को दफा २१ (ख) बमोजिम उपकुलपतिको स्थायी नियुक्ति नभएसम्मका लागि अस्थायी रुपमा उपकुलपतिका रूपमा काम गर्न प्रधानमन्त्री ओलीले चैत ३१ गते निर्णय गरेका थिए।
यसअघि त्रिविका उपकुलपति रहेका प्रा. डा. केशरजङ्ग बरालले राजीनामा दिएका थिए, जसलाई चैत २८ गते स्वीकृत गरिएको थियो। नयाँ नियुक्तिसम्म विश्वविद्यालयको प्रशासनिक तथा शैक्षिक कार्यहरूलाई निरन्तरता दिन प्रा. डा. खड्ग केसीलाई जिम्मेवारी दिइएको हो।
प्रतिक्रिया