पर्सा । दुई समुदायबीच उत्पन्न तनाव चुलिँदै गएपछि स्थानीय प्रशासनले वीरगन्जमा लगाइएको कर्फ्युको समय थप गरेको छ।
जिल्ला प्रशासन कार्यालयले शनिबार साँझ ६स्३० बजेदेखि आइतबार दिउँसो १२ बजेसम्म लागू हुने गरी कर्फ्यु आदेश जारी गरेको थियो। तर, क्षेत्रको अवस्था अझै सामान्य नभएको भन्दै सर्वदलीय बैठकको सुझाव अनुसार कर्फ्युको अवधि आइतबार राति १२ बजेसम्मका लागि लम्ब्याइएको पर्साका प्रमुख जिल्ला अधिकारी गणेश अर्यालले जानकारी दिए।
सुरक्षाको दृष्टिकोणले उठाइएको यो कदमले तनाव कम गर्न सहयोग पुग्ने प्रशासनको विश्वास छ। अहिले सुरक्षाकर्मीहरू संवेदनशील स्थानहरूमा तैनाथ छन् र आम नागरिकलाई शान्ति र संयम अपनाउन अपिल गरिएको छ।
प्रतिक्रिया