काठमाडौँ । भियतनामका १८० जना बौद्ध धर्मावलम्बीहरू विशेष चार्टर विमानमार्फत भगवान् गौतम बुद्धको पवित्र जन्मस्थल लुम्बिनीमा भ्रमणमा आउने भएको छ ।
वैशाख ५ गते भैरहवास्थित गौतम बुद्ध अन्तर्राष्ट्रिय विमानस्थलमा अवतरण गर्ने कार्यक्रम तय गरिएको छ। उक्त टोलीले लुम्बिनीमा विशेष पूजा कार्यक्रममा सहभागी हुनेछन् । कार्यक्रमपछि, वैशाख ६ गते उनीहरू सडकमार्ग हुँदै भारतको वाराणसीतर्फ प्रस्थान गर्नेछन्।
भियतनामी बौद्ध धर्मावलम्बीहरूले लुम्बिनीलाई अत्यन्त पवित्र स्थलको रूपमा लिने गरेका छन्। गौतम बुद्धको जन्मस्थल भएकाले लुम्बिनी उनीहरूका लागि एक प्रमुख धार्मिक गन्तव्य रहँदै आएको छ।
यस्तो धार्मिक भ्रमणले नेपाल र भियतनामबीचको सांस्कृतिक तथा धार्मिक सम्बन्धलाई अझ सुदृढ बनाउने विश्वास गरिएको छ।
प्रतिक्रिया