काठमाडौं । नेपाली बजारमा आज (शुक्रबार) सुनको मूल्य ऐतिहासिक उचाइमा पुगेको छ। अघिल्लो दिनको तुलनामा प्रतितोला ३ हजार ९ सय रुपैयाँले वृद्धि भई सुनको मूल्य हालसम्मकै सर्वाधिक १ लाख ८५ हजार रुपैयाँमा पुगेको नेपाल सुनचाँदी व्यवसायी महासंघले जनाएको छ।
बिहीबार सुन प्रतितोला १ लाख ८१ हजार १ सय रुपैयाँमा कारोबार भइरहेको थियो। शुक्रबारको मूल्य वृद्धिसँगै नेपाली बजारमा सुनको मूल्यले नयाँ कीर्तिमान कायम गरेको हो।
सुनसँगै चाँदीको मूल्य पनि केही वृद्धि भएको छ। बिहीबार प्रतितोला १ हजार ९०० रुपैयाँमा रहेको चाँदी शुक्रबार ५ रुपैयाँले बढेर १ हजार ९०५ रुपैयाँमा कारोबार भइरहेको महासंघले जनाएको छ।
सुनचाँदीका मूल्यमा आएको लगातारको वृद्धिले उपभोक्ता र व्यवसायी दुवैलाई प्रभाव पारेको देखिन्छ।
प्रतिक्रिया