काठमाडौं । नेपाली सेनाले २६०० भन्दा बढी सैन्य पदहरूमा नयाँ भर्तीका लागि आवेदन खुला गरेको छ।
सेनाको भर्ना छनौट निर्देशनालयले सार्वजनिक सूचना जारी गर्दै स्वीकृत दरबन्दीअनुसार खुला तथा समावेशी प्रतियोगिताबाट पदपूर्ति गरिने जानकारी दिएको हो। सेनाले देशभरका तोकिएका भर्ना केन्द्रहरूमा आवेदन फारम बुझाउन आवेदकहरूलाई आग्रह गरेको छ। इच्छुक उम्मेदवारले वैशाख २७ गतेभित्र आवेदन दिन सक्नेछन् भने दोब्बर दस्तुर तिरेर थप सात दिनसम्म पनि आवेदन दिन सकिने व्यवस्था गरिएको छ।
शैक्षिक योग्यताका हिसाबले कक्षा ८ पास गरेका नेपाली नागरिकले आवेदन दिन सक्नेछन्। शारीरिक मापदण्डअनुसार पुरुष उम्मेदवारको उचाइ कम्तीमा ५ फिट ३ इन्च तथा महिलाको हकमा ५ फिट हुनुपर्नेछ। सेनामा सेवा गर्ने चाहना भएकाहरूका लागि यो अवसर महत्वपूर्ण हुने भन्दै निर्देशनालयले समयमै आवेदन दिन आग्रह गरेको छ।
प्रतिक्रिया